Ujësjellësi “Prishtina”: Nuk do të ketë shkyçje të borxhlinjve, ishte një gabim teknik

20:59 | 17 Prill 2020
Arditë Shkodra

Ujësjellësi “Prishtina” pak më parë dërgoi një komunikatë ku njoftoi se ka filluar me shkyçje masive të konsumatorëve për mospagesë të faturave.

Por tani ka dërguar një sqarim ku thuhet se kanë bërë një lëshim teknik, duke dërguar një komunikatë të vitit 2019.

Kompania Rajonale e Ujësjellësit “Prishtina” sqaron se për shkak të kohës së pandemisë nuk do të ketë shkyçje për shkak të borxheve.

Andaj ka kërkuar falje.

Ky është reagimi:

“Të nderuara media, të nderuar gazetarë, Para pak çastesh, keni pranuar një email që ka qenë gabim teknik. Emaili në fjalë nuk pasqyron tash për tash qëndrimin e KRU” Prishtina”. Ai email ka qenë i vitit 2019, kur ne aplikonim shkyçje për shkak të mospagesave. Sot, nuk ndëshkohet askush përderisa jemi në këtë gjendje me COVID 19 Për shkak të gabimit teknik , ju lutem të injoroni atë email. Ju kërkojmë falje dhe ju falënderojmë për bashkëpun im dhe mirëkuptim!”, thuhet në sqarimin e KRU Prishtina.

Shpërndaje në rrjete sociale

Lajmet më të lexuara

Të ngjashme

Foto lajm